Sipas raportimeve të ‘L’Equipe’, Kylian Mbappe ka filluar ta mendojë mundësinë e nënshkrimit të një kontrate të re me PSG, transmeton lajmi.net.

Ylli francez thuhet të jetë i lumtur në klub, dhe ata po i ofrojnë atij marrëveshje të re, e cila do të shihte një rritje të jashtëzakonshme në pagë, duke e barazuar me Neymar.

Si qëndron aktualisht, Mbappe fiton sa gjysma e Neymar, ky i fundit që ka një pagë prej 600 mijë funteve në javë.

Kontrata e re duket se do të përmbush kërkesat e Mbappe, duke bërë që ky i fundit të vë firmën e tij për rinovimin e kontratës.

Kjo situatë ka shtangur skuadrën e Real Madrid, të cilët raportohet të kenë qenë shumë afër marrëveshjes për transferimin e sulmuesit francez.

Nuk ka akoma ndonjë konfirmim sa i përket të ardhmes së lojtarit, kështu që vera do të vendos gjithçka për të. /Lajmi.net/