Trajneri i Interit, Walter Mazzarri është ankuar për fatin e keq që është duke e përcjell skuadrën e tij.

Nerazzurrët ishin dy herë në epërsi, por në fund barazuan 2:2 me Bolognan në Giuseppe Meazza, edhe pse kishin mundësinë ta fitonin takimin por Diego Milito nuk shënoi nga penalltia, pesë minuta para fundit.

“Ështe hera e katërt që humbim pikë në një ndeshje ku e kemi merituar të fitojmë”, deklaroi Mazzarri për Sky.

“Është e qartë se këto gabime kushtojnë, por ne i paguajmë të gjitha. Janë gjëra të vështira për t’u shpjeguar, na është bërë shprehi të flejmë nga pak”, shtoi ai.

“Mirëpo, duhet pranuar se në periudhën e fundit shumë gjëra kanë shkuar mbrapshtë. Është në moment negativ dhe duhet të dalim prej tij sa më parë”.