Kontrata e gjermanit në “Stamford Bridge” do të skadojë në fund të qershorit dhe thuhet se ka refuzuar ofertën e fundit të klubit, transmeton lajmi.net.

Siç qëndron tani, Rudiger do të jetë i disponueshëm si një transferim i lirë në fund të qershorit me Real Madrid dhe PSG që janë duke garuar për shërbimet e lojtarit.

Megjithatë, sipas “Daily Mail”, Rudiger pëlqehet edhe nga Man United, me 20 herë kampionët e Anglisë që janë duke shikuar nga afër situatën dhe mund të bëjnë një ofertë gjatë verës.

28-vjeçari ka qenë në formë mbresëlënëse për Chelsean gjatë sezonit 2021-22, duke shënuar tre herë dhe duke dhënë katër asistime në 23 paraqitje në të gjitha garat.

Man United mendohet të jetë i etur për të shtuar një qendërmbrojtës të ri në skuadrën e tyre këtë verë, me Phil Jones dhe Eric Bailly që të dy potencialisht do të lëvizin përpara sezonit të ardhshëm./Lajmi.net/