“Citizens” ishin në kontroll pothuajse gjatë gjithë ndeshjes, ndërsa Tottenham kërkonte të eksploronte hapësirat përmes kundërsulmeve, transmeton lajmi.net.

Golin e parë e shënoi Rodri, pas një penaltie të dhuruar në favorin e Cityt. Spanjolli shënoi në min (23’).

Ky ishte goli i vetëm në pjesën e parë, skuadrat shkuan në pushime me avantazhin minimal të Manchester Cityt.

Në pjesën e dytë, City ishte kërkues dhe këtë e tregoi edhe rezultati.

Ishte lojtari i muajit në Premierligë, Ilkay Gundogan i cili dyfishoi rezultatin në min (50’).

Gundogan e trefishoi rezultatin në minutën e (66’) për të shënuar golin e dytë personal këtë ndeshje dhe për të shënuar golin e 11-të këtë sezon në Premierligë.

Rezultati përfundimtar, Manchester City 3-0 Tottenham Hotspur.

City qëndron në vendin e parë me 53 pikë, ndërsa Tottenhami mban pozitën e tetë me 36 pikë./Lajmi.net/

#MCITOT
Man City 3-0 Tottenham – GOAL! Gundogan ?pic.twitter.com/x4zErcm739

— ???? ????? (@Fastgoal2) February 13, 2021