Skuadra e Jurgen Klopp vlerësohet të jetë me vlerë 1,4 miliardë euro në tregun e transferimeve, duke i vendosur liderët e Premierligës përpara rivalëve të Manchester City, skuadra e cila ka një vlerë prej 1,3 miliardë euro.

Gjigantët spanjollë Barcelona (1.07 miliardë euro) dhe Real Madrid (1 miliardë euro) janë përkatësisht i treti dhe i katërt, me Chelsea (917 milionë euro) që renditet i pesti, pavarësisht se e kishte të ndaluar të nënshkruante me lojtarë në dritaren e transferimit të verës së kaluar, transmeton lajmi.net.

Sipas CIES, vlera e skuadrës së Chelsea është “rritur fuqimisht” për shkak të përformancës së shumë lojtarëve të rinj që kur ndalimi u është imponuar atyre nga FIFA.

Manchester United e Tottenham renditet në vendin e gjashtë dhe të shtatë përkatësisht. /Lajmi.net/