Robert Lewandowski është duke kaluar në formë jetësore e këtë e dëshmoi edhe mbrëmë duke realizuar dy gola ndaj Barcelonës, shkruan lajmi.net.

Lewandowski gjatë verës ishte i lidhur me një kalim te Chelsea dhe Real Madrid, megjithatë ai i mbeti besnik Bayernit.

Sulmuesi është në moshën 33-vjeçare por ende në formën më të mirë fizike duke qenë njëri ndër futbollistët më të mirë në botë.

Sipas ‘Bild’, polaku dëshiron të luajë edhe të paktën katër vite tjera në nivelet më të larta të futbollit evropian.

Lewa këtë edicion ka realizuar 10 gola në gjashtë ndeshje të zhvilluara me ‘Bavarezët’. /Lajmi.net/