Të premten, më 2 janar 2026, do të mbahet ceremonia mortore për ish-kryetarin e Kuvendit të Republikës së Kosovës, Nexhat Daci.

Sipas njoftimit zyrtar të Kuvendit të Kosovës, homazhet do të zhvillohen nga ora 09:00 deri në 11:45 në hollin e Kuvendit të Kosovës, transmeton lajmi.net.

Më pas, nga ora 12:00 deri në 12:45, do të mbahet Akademia Përkujtimore në Sallën Plenare të Kuvendit të Republikës së Kosovës.

Varrimi me nderime shtetërore do të bëhet nga ora 13:40 deri në 14:20, në Varrezat e Qytetit në Arbëri, në Prishtinë./lajmi.net/