Kjo u bë e ditur me anë të një komunikate për media nga zyra e kryeministrit, shkruan lajmi.net.

“Para të pranishmëve, në fjalën e saj mikpritëse, Kryetarja Dierenfeld foli për historinë e qytetit të Johnston dhe historikun e marrëdhënieve me qytetin simotër të saj, Pejën. Ndërkaq, në adresimin e tij, kryeministri Kurti u shpreh falënderues për mikpritjen që ka përjetuar në Ioëa dhe Johnston. Më tej, ai tha se synimi jonë duhet gjithmonë të jetë që marrëdhëniet dhe bashkëpunimi ndërmjet Ioëa-s dhe qyteteve të saj dhe shtetit të Kosovës dhe qyteteve të Kosovës të forcohen, thellohen dhe avancohen”, thuhet në komunikatë.

Në këtë pritje, në mesin e të cilëve ishin gjeneralët amerikanë Correl dhe Orr nga Garda Nacionale e Ioëa-s, shumë zyrtarë e përfaqësues institucionalë e politikë si dhe bashkatdhetarë tanë, kryeministri Kurti u nderua me një dhuratë përmes së cilës pranoi urimet e Kryetares Dierenfeld për 14-vjetorin e shpalljes së Pavarësisë së Republikës së Kosovës dhe lidhjen ndërmjet Kosovës dhe popullit të Iowa-s.​ /Lajmi.net/