Kryetari i KQZ-së, Kreshnik Radoniqi në konferencë për media ka folur në lidhje me problemet me energjinë elektrike në qendrat e votimit.

Ai e ka pranuar se nuk ka gjeneratorë në të gjitha qendrat e votimit, transmeton lajmi.net.

“Për gjeneratorë, nuk kemi në të gjitha qendrat e votimit, por që ne në bashkëpunim me KEDS-in jemi siguruar që në vendet ku do të ketë ndërprerje, të intervenohet me shpejtësi dhe të kthehet energjia elektrike. Deri tani, unë i raportova disa raste të ndërprerjes së energjisë, por që nuk kanë zgjatë shumë, ka intervenu KEDS-i dhe është rikthyer energjia. Por, në orët në vijim do të shohim se si do të vazhdojm.”, tha ai./lajmi.net/