Kryeministri shoqërohet me policin e përfshirë në rrahjen e ish-shefit të Telekomit
Ish-shefi i Njësisë kundër Krimeve Ekonomike në Policinë e Kosovës, Nazim Sahiti, është rishfaqur në sytë e publikut, të dielën.
Lajme
Sahiti – i cili, së bashku me policin Avni Berisha, u bënë të njohur për publikun pas skandalit të rrahjes se ish-shefit të Telekomit të Kosovës, Agron Mustafa, është parë në shoqërinë e kryeministrit të vendit, Ramush Haradinaj.
Shefi i ekzekutivit të vendit ka publikuar disa fotografi, të dielën, nga një ecje e tij në bjeshkë.
Në njërën prej këtyre fotografive, Haradinaj shihet në shoqëri me Sahitin.
Sahiti ishte larguar nga pozita, menjëherë pas ardhjes në krye të policisë të drejtorit të ri, Rashit Qalaj.
