Kjo është ‘ura’ që përdorin fëmijët në Drenas për të shkuar në shkollë (Video)
Banorët e Drenasit deri më tani kanë përdorur një ‘urë’ por që gjendja e saj ka qenë më e mirë, e pas reshjeve gjendja e saj përveç e rrezikshme edhe mund të thuhet se është e pa kalueshme.
Lajme
Në video që ua sjell lajmi.netmund ta shihni se si është rritur lumi Drenica dhe çfarë rreziku paraqet për ata që përdorin të ashtuquajturën urë.
Kjo urë është përdorur nga banorët e lagjes Shtrubullovë dhe Qikatovë e re ku saktësisht ndodhet tek lumi afër qendër së banimit social, urë që është përdorur edhe nga fëmijët e këtyre lagjeve për të shkuar në shkollën fillore “Ali Gashi” në Qikatovë të re, raporton lajmi.net
Rruga që përdoret nga veturat në këtë vend është 3 kilometra larg, ndërsa rrugë tjetër alternative për këmbësorë nuk ka.
Banorët që nga muaji qershor i vitit që kemi lënë pas kanë dorëzuar një kërkesë në Komunën e Drenasit, pro ende nuk kanë marr asnjë konfirmim nga zyrtarët komunal./ Lajmi.net