Të Infektuar: 14119

Të Shëruar: 10546

Të Vdekur: 563

Këto janë dizajnet radikale të avionëve të Airbus

12:29 | 12 Shkurt 2020

Prodhuesi francez i avionëve lëshoi një model të demonstruesit të aeroplanit në shkallë të vogël.

Airbus ka zbuluar një dizajn mjaft radikal të avionit komercial “të krahut të përzier”  pas një seri provash të fshehta, që premton të ulë konsumin e karburantit deri në 20%.

Prodhuesi francez i avionëve lëshoi një model të demonstruesit të aeroplanit në shkallë të vogël, të kontrolluar nga distanca që është duke përdorur për të provuar modelin në Singaporin Air Show 2020, transmeton Telegrafi.

Sipas Airbus, MAVERIC ndihmon në përshpejtimin e të kuptuarit të konfigurimeve të reja të avionëve me teknologjinë e nevojshme për të fluturuar një avion kaq radikalisht të ndryshëm.

Airbus thotë se konfigurimi i pazakontë dhe i gjerë i aeroplanit hap mundësi të reja për hartimin e kabinës.

Zhurma ka të ngjarë të zvogëlohet gjithashtu, për shkak të motorit “të mbrojtur” të aeroplanit, i cili është montuar mbi trupin qendror.

“Airbus po përdor teknologjitë e reja për të ardhmen e fluturimit”, thotë Jean-Brice Dumont, nënkryetar ekzekutiv i inxhinierisë në Airbus, në një deklaratë duke njoftuar modelin e ri.