Ndonëse kishte shumë raste shënimi, kombëtarja shqiptare nuk arriti të gjente golin në këtë ndeshje.

Pas ndeshjes foli edhe Kallaku, i cili sot luajti për herë të parë me fanellën ‘Kuqezi’. Ai është shprehur i kënaqur me barazimin, por ka thënë se ka gjëra për t’u përmirësuar.

Më poshtë lajmi.net ua përcjell të thënat e Kallakut.

“Ndjej keqardhje. Kemi zhvilluar një ndeshje shumë të mirë. Duhet të shfrytëzonim rastet dhe të ishim më të qetë. Fati nuk ishte me ne. Parabola e Brojës duhet të ishte shënuar. Duhet të shikojmë ndeshjen e ardhshme, kjo ndeshje iku tani. Kemi pronuar të luajmë edhe me 3-4-1-2.

Mendoj që duke parë vështirësitë që kishim me ambientimin e skemës së re, vendosi ta kthente në 3-5-2. Vendosi që unë dhe Bare të ishim në qendër majtas dhe djathtas. Nuk kisha lirshmërinë time siç duhej. U mundova të përshtatesha dhe të luaja thjeshtë për të qenë sa më i saktë. Mendoj që jemi përshtatur shumë mirë, duhet të rregullojmë aksionet para portës, ajo na mungoi.

Në ndeshjet e ardhshme do të kem gjuajtje më të mira. Ishte çështje sekondi dhe vendosa ta gjuaja shpejt, duhet të finalizoja më mirë”, u shpreh Kallaku për “Supersport”. /Lajmi.net/