Juventusi kthehet te fitorja, mposht pa vështirësi Salernitanan
Gjiganti italian është rikthyer tek rezultatet pozitive.
Sport
Juventusi ka arritur të mposht Salernitanan 0-2 në kuadër të xhiros së 15-të, shkruan lajmi.net.
‘Bianconerët’ ishin më të mirë nga fillimi, dhe arritën të zhbllokojnë rezultatin në min e 21′.
Ishte Paulo Dybala ai që me një goditje të bukur i dha epërsinë ekipit të tij.
Në vazhdim mysafirët patën edhe disa raste të mira shënimi, por pjesa e parë u mbyll 0-1.
Edhe pjesa e dytë ishte pothuajse e njëjtë me ‘Bianconerët’ që ishin dukshëm më të mirë.
Në min e 70′ Alvaro Morata shënoi për të dyfishuar epërsinë në 0-2.
Krejt në fund të ndeshjes në min 90+4′ Dybala dështoi nga penalltia, dhe rezultati përfundimtarë mbeti 0-2.
‘Bianconerët’ tani kanë 24 pikë në vendin e shtatë, kurse Salernitana ka tetë pikë në vendin e fundit. /Lajmi.net/