Ivanovic i “ndihmoi” Shqipërisë 

17:15 | 10 Korrik 2015

Deklarata kontradiktore e kapitenit të Serbisë, Branislav Ivanovic i ndihmoi Shqipërisë të sigurojë fitoren nga CAS.

Shqipëria u shpall fituese e duelit të ndërprerë kundër Serbisë në Beograd.

Por, në mënyrë indirekte, skuadrës kuqezi i ndihmoi kapiteni i ekipit kundërshtar Branislav Ivanovic, shkruajnë mediat serbe.

Futbollisti i Chelseas kishte bërë deklarata kontradiktore në dëshminë e tij.

Dhe, kjo i shkoi në favor Shqipërisë që tani ka fituar tri pikë të reja të cilat e afrojnë tek ëndrra e kualifikimit direkt për në Euro 2016.