Një gjykatë e Koresë së Jugut ka miratuar kërkesën për një tjetër arrestim të ish-presidentit Yoon Suk Yeol me akuza që lidhen me shpalljen e ligjit ushtarak në dhjetor, duke pranuar pretendimin e një prokurori special se ai përbën rrezik për shkatërrimin e provave.

Urdhërarresti i lëshuar nga Gjykata e Qarkut Qendror të Seulit e dërgoi Yoonin përsëri në një qendër paraburgimi pranë kryeqytetit, katër muaj pas lirimit të tij në mars, kur e njëjta gjykatë ndaloi arrestimin e tij në janar dhe i lejoi atij të dilte në gjyq pa u mbajtur në paraburgim, raportoi AP.

Çështja penale ndaj tij po trajtohet nga një ekip hetuesish nën drejtimin e prokurorit special Cho Eun-suk, të cilët po ndjekin akuza shtesë për shtytjen autoritare të Yoonit, duke përfshirë bllokimin e detyrave zyrtare, abuzimin me pushtetin dhe falsifikimin e dokumenteve zyrtare.

Arrestimi i ri mund të shënojë fillimin e një periudhe të gjatë në mbajtje të ish-presidentit.