Ish-presidenti francez, Nicolas Sarkozy, është nisur për të filluar dënimin e tij pesëvjeçar pas shpalljes së fajësisë për konspiracion kriminal mbi financimin e dyshuar të paligjshëm të fushatës së tij presidenciale të vitit 2007.

70-vjeçari u fotografua të martën në mëngjes duke mbajtur dorën e gruas së tij, Carla Bruni-Sarkozy, e cila e përshëndeti me një puthje përpara se ai të hynte në makinën që do ta çonte në burgun La Santé të Parisit.

Momenti i tyre i ngrohtë kishte një kontrast të fortë me rrethanat serioze ligjore që po përballej ish-udhëheqësi, shkruan News Sky.

Qindra mbështetës kënduan “Nicolas, Nicolas” dhe himnin kombëtar francez ndërsa ai largohej nga shtëpia e tij, ndërsa fëmijët dhe nipërit e mbesat e tij ishin gjithashtu të pranishëm.

Përpara se të hynte në burg, Sarkozy postoi në rrjetet sociale se ndihet një “njeri i pafajshëm” dhe shprehu pikëllimin e tij për Francën.