Prokuroria Themelore në Mitrovicë ka njoftuar se ka intervistuar një person me inicialet H.M., nën dyshimin për veprën penale “Mosdhënia e ndihmës”.

Sipas Prokurorisë, rasti lidhet me ngjarjen e 6 shtatorit 2026, kur në rrugën “Faruk Spahija” në Mitrovicë kishte ndërruar jetë personi me inicialet L.S.

“Intervistimi i të dyshuarës H.M., ndërlidhet me rastin e datës 06 shtator 2026 ku në rrugën ‘Faruk Spahija’ në Mitrovicë ka ndërruar jetë personi me iniciale L.S.”, thuhet në njoftimin e Prokurorisë.

Pas intervistimit, e dyshuara është liruar dhe rasti do të vazhdojë të trajtohet në procedurë të rregullt.

Prokuroria ka bërë të ditur se H.M. dyshohet për veprën penale “Mosdhënia e ndihmës”, sipas nenit 188, paragrafi 4 të Kodit Penal të Republikës së Kosovës. /Lajmi.net/