Inter është në kërkim të një mesfushori. Pas realizimit të transferimeve të Lukas Podolskit dhe Xherdan Shaqirit, Nerazzurrët janë në kërkim të një tjetër futbollisti në mesin e fushës.

Dhe, sipas “Sky”, objektivi kryesor i Interit është anëtari i Atletico Madridit, Mario Suarez.

Kurse, pas tij në listën e dëshirave të trajnerit Roberto Mancini gjenden Lucas Leiva nga Liverpool, i cili kërkohet edhe nga Napoli.

Drejtuesit e Interit kërkojnë Suarezin në formë huazimi me të drejtë të obliguar të blerjes pas përfundimit të sezonit, njësoj si në rastin e marrëveshjes me Shaqirin.