Kur vëllezërit Coen morën vendim ta bëjnë një film për skenën e muzikës folk në Greenwich Village të New Yorkut në vitet e 1960’ta – ata e kishin seriozisht këtë punë.

Jo vetëm që u përkujdesën për imazhet dhe tingujt, por, si tërësi, Inside Llewyn Davis ia del t’ju përfshijë plotësisht në të përjetuarit e tij.

Llewyn Davis (luajtur nga Oscar Isaac) është muzikant fiksional (ndonëse ka ngjashmëri me folk këngëtarin Dave Van Ronk 1936-2002), karriera e të cilit shkon paralelisht më atë të Bob Dylan, përveç pjesës së suksesit.

Isaac i performon vetë këngët, kurse muzika është mbresëlënëse.

Ai nuk është burrë i mirë. E vjedh shokun e tij profesor dhe ia humb macen, e ofendon familjen e partnerit të tij që ka bërë vetëvrasje, dhe e lë shtatzënë gruan e mikut të tij që po ashtu është folk këngëtar.

Zakonisht, vuajtjet e artistëve në filma në fund shpërblehen me sukses.

Talentet e mëdha mund të fitojnë famë dhe para, por individi mesatar punon tërë jetën për të ardhur në një përfundim të mjerë.

Vëllezërit Coen na japin një rrëfim për vuajtjet e pashpërblyera në altarin e artit.

Dhe kjo është një metaforë për vetë ekzistencën.

A.M.  

Traileri i Inside Llewyn Davis.