Ibrahimovic në stilin e tij: Të gjithë më thërrasin mua

15:13 | 22 Tetor 2019

Zlatan Ibrahimovic ka refuzuar të konfirmojë nëse ai ka folur me trajnerin e Napolit Carlo Ancelotti.

Ancelotti bëri shaka se do ta thërriste Ibrahimovicin pas fitores 2-0 të Napolit ndaj Veronës të shtunën, dhe sulmuesi reagoi ndaj spekulimeve në stilin e tij tipik.

“Të gjithë më thërrasin. Ju dëshironi edhe numrin tim? Kështu që mund të më telefononi edhe mua? Mirë, ne do ta rregullojmë”, i tha ai një gazetari pas fitores 2-1 të LA Galaxy në Minnesota dje, përcjell lajmi.net.

38-vjeçari është një ikonë në Serie A pasi fitoi Scudetto me Juventus, Inter dhe Milan.

Kontrata e tij me Galaxy skadon në dhjetor, dhe ai u inkurajua nga i njëjti gazetar që të qëndrojë në MLS për një sezon tjetër. /Lajmi.net/