“I shërbeve atdheut si në luftë ashtu edhe në liri”- Reagon djali i policit që dyshohet se u vetëvra sot
Djali i policit që dyshohet se kreu vetëvrasje sot në Prishtinë, ka njoftuar për varrimin e babait. Benet Tolaj, njofton se varrimi do të bëhet nesër në ora 16:20 në Pejë. “Ne si familje ju falënderojmë të gjithë ata që ndajnë dhimbjen me ne në këto momente të vështira. I shërbeve atdheut si në luftë…
Lajme
Djali i policit që dyshohet se kreu vetëvrasje sot në Prishtinë, ka njoftuar për varrimin e babait.
Benet Tolaj, njofton se varrimi do të bëhet nesër në ora 16:20 në Pejë.
“Ne si familje ju falënderojmë të gjithë ata që ndajnë dhimbjen me ne në këto momente të vështira. I shërbeve atdheut si në luftë ashtu edhe në liri“, shkruan djali i Alban Tolajt, Benet Tolaj.
Rastin për lajmi.net e konfirmoi edhe Policia e Kosovës, ku thanë se ka elemente që çojnë të një vetëvrasje por që hetimet janë duke vazhduar.
“Rreth orës 14:45, kemi pranuar informatën për një trup të pa jetë, në rrugën “Ahmet Korenica” në Prishtinë. Policia menjëherë ka dalë në vendin e ngjarjes si dhe mjekët emergjent të cilët kanë konstatuar vdekjen e viktimës, mashkull, 47 vjeç, zyrtar policor. Mbështetur në informacionet e para nga vendi i ngjarje, përkundër që ka elemente që sugjerojnë për vetëvrasje, policia në koordinim me prokurorin e shtetit ka nisur një hetim mbi vdekjen dhe me kujdes të shtuar po shqyrton të gjitha aspektet e rastit për ndriçimin e plotë të rrethanave të kësaj ngjarje tragjike. Policia e Kosovës shpreh ngushëllimet më të thella për familjen, kolegët dhe miqtë e zyrtarit të ndjerë”, tha ai për Lajmi.net.
