Dashi – Sot duhet të bëni të pamundurën për të gjetur zgjidhje të mira për problemet që ju kane dalë. Do të jeni nën ndikimin e favorshëm të Marsit, Venusit dhe Mërkurit. Nëse gjatë ditëve të fundit jeni ndjerë të lodhur dhe nervozë, ka ardhur momenti i rikuperimit. Përgjigje pozitive, si dhe një zhvillim i ri në horizont.

Demi – Priten debate edhe për çështje elementare. Kjo ditë do të jetë mjaft interesante për të gjithë ata që kërkojnë konfirmime në dashuri. Mbani parasysh se për ndjenjat Venusi, do të ketë një ndikim mjaft pozitiv. Do të jeni mjaft të prirur për takime të reja.

Binjakët – Dita ju fton që të jeni të kujdesshëm, pasi diçka duket se nuk po shkon siç duhet. Gjëja pozitive është se Mërkuri do të hyjë në shenjën tuaj dhe kjo gjë është e rëndësishme për gjithë ata që kanë në plan udhëtime. Dashuria do të jetë e mbushur nga paqartësitë dhe sigurisht kjo do të jetë pasojë e asaj që keni mbjellë më parë.

Gaforrja – Do të kërkoni më shumë liri se kurrë sot dhe kjo mund të sjellë debate. Do të jeni të mbushur me momente pakënaqësie, për shkak të ndikimit negativ të Hënës dhe Mërkurit. Kjo nuk do të lejojë që disa tensione të zgjidhen, sidomos në vendin e punës.

Luani – Do të ndikoheni nga komunikimi i ngrohtë sot. Hëna do t’ju ndihmojë në lëvizjet dhe çështjet e komunikimit. Do të shfaqni një kapacitet të madh veprimi, duke siguruar qetësinë e zemrës suaj. Megjithatë nuk përjashtohen ballafaqimet sa u takon ndjenjave.

Virgjëresha – Kuadri yjor nuk do të jetë aspak i favorshëm sot. Hëna do të ketë ndikim tranzit dhe Mërkuri ndodhet në orbitë të kundërt. Gjatë kohëve të fundit dashuria nuk ka shkuar siç duhet. Duhet të tregoheni të kujdesshëm, në mënyrë që të rikuperoni një lidhje që e keni përzemër.

Peshorja – Ditë mjaft e rëndësishme për gjithë ata që kanë në plan të udhëtojnë, por edhe për gjithë ata që duan të rikuperojnë besimin në aftësitë e tyre. Duhet të shfaqni një sjellje pozitive në raport me zhvillimet e reja. Do të ketë edhe momente tensioni.

Akrepi – Do të jeni më të hapur sot dhe do të flisni edhe për detajet më të vogla të jetës. Përfitoni nga kjo pjesë e javës, për shkak të ndikimit të favorshëm të Hënës. Idetë tuaja do të vlerësohen. Gjëja më e rëndësishme momentalisht është që të rigjeni qetësinë dhe emocionet.

Shigjetari – Saturni do të jetë planeti që do t’ju mbështesë në çdo moment sot. Nëse jeni të pushtuar nga ndjenjat, do të keni dëshirë që të qëndroni gjatë gjithë kohës me personin tuaj të zemrës, por nëse lidhja juaj nuk funksionon, duhet të tregoheni shumë të kujdesshëm. Mbani parasysh se çdo gjë është reciproke.

Bricjapi – Po nuk u treguat të matur me fjalët që do të thoni mund të keni debate. Dikush mund t’ju bëjë një ofertë të veçantë lidhur me dashurinë. Gjatë kësaj dite do të jeni të rrethuar nga ziliqarët, ndaj bëni kujdes nga sulme të mundshme. Tregohuni të matur lidhur me disa shpenzime më shumë.

Ujori – Dashuria po shfaqet gjithmonë kontradiktore, pasi kërkoni më shumë miqësi se sa pasionin. Vështirë të jeni xheloz, të paktën nëse nuk keni një person shumë të lëvizshëm. Keni nevojë për vëmendjen e të tjerëve dhe doni që t’ua kthejnë në të njëjtën mënyrë.

Peshqit – Duhet të rrethoheni vetëm nga persona që ju stimulojnë dhe jo nga njerëz që janë në kërkim të gjërave të cilat momentalisht nuk mund tua japësh. Momentalisht situata parashikohet e tensionuar. Me gjasë do t’ju duhet të bëni një zgjedhje, ose të menaxhoni me kujdes disa raporte të komplikuara.