Promotori i boksit, Eddie Hearn synon ta kthejë në ring amerikanin Deontay Wilder.

Ish-kampioni i WBC, Wilder nuk është shfaqur në ring që nga humbja e tij ndaj Tyson Fury. Madje, as nuk planifikon një gjë të tillë.

Por, promotorët e boksit kanë synime të tjera. Raportimet e fundit bëjnë të ditur se Eddie Hearn po synon aranzhimin e një meçi mes Wilder dhe Derek Chisora ose Wilder kundër Dillian Whyte, përcjell lajmi.net.

Gjasat janë të mëdha që Wilder të mos kthehet më në ring pas humbjes dërrmuese ndaj Fury.

Megjithatë shumë tifozë të boksit e duan përsëri në ring ‘Bomberin e Bronztë’.

Mbetet të shihet nëse britaniku Eddie Hearn do të arrijë ta bind amerikanin për një rikthim. /Lajmi.net/