Zyrtarët palestinezë thanë se nga sulmet ajrore izraelite janë vrarë së paku 44 vetë, prej ditës së djeshme, kur Izraeli e ka intensifikuar ofensivën e vet në Rripin e Gazës, në përgjigje të rritjes së numrit të sulmeve me raketa nga militantët palestinezë, raporton REL.

Ky është kulmi i tensioneve ndërmjet Izraelit dhe lëvizjes islamike militante Hamas, që e qeveris Gazën prej vitit 2012.

Presidenti i Autoritetit palestinez, Mahmud Abas sot e ka akuzuar Izraelin se po kryen “gjenocid” në Rripin e Gazës.

Kryeministri i Izraelit, Benjamin Netanyahu ka tërhequr vërejtjen për sulme edhe më të ashpra kundër Hamasit.

Izraeli tha se aeroplanët e vet luftarakë i kanë sulmuar 550 caqe të Hamasit, prej mëngjesit të djeshëm, kur filloi ofensiva.

Hamasi ka vazhduar të sulmojë me raketa thellë në territorin izraelit, duke i marrë në shënjestër qytetet e mëdha, përfshirë Tel Avivin.

Ushtria e Izraelit tha se sot militantët, po ashtu, e kanë lansuar një raketë drejt reaktorit bërthamor izraelit Dimona.

Izraeli është kërcënuar se do të invadojë Rripin e Gazës nëse vazhdojnë sulmet me raketa.