Trajneri i Manchester Cityt mendon se lojtari ka shumë kualitet por forma e tij është ndikuar shumë nga klubi madrilien.

‘’Kur ishte në Angli ne shihnim një tjetër lojtar. Nëse ai nuk luan mire është faji i Real Madridit’’, u shpreh spanjolli për Youtuber-in DiiMario, përcjell lajmi.net

Për belgun u prit që të bëjë paraqitjen e tij të parë kundër Real Sociedad në Kupën e Mbretit këtë të mërkurë, por lojtari nuk ia doli.

29-vjeçari është komentuar shumë rreth fitnesit e tij kur erdhi në Madrid. Sipas shumë analistëve pesha e tij e tepërt ishte ndër shkaktarët kryesor që anësori pëson lëndime kaq të shpeshta.

Gjatë këtij sezoni në La Liga, lojtari ka luajtur 8 ndeshje duke kontribuar me 1 gol dhe 1 asist.

Hazard erdhi në Real Madrid verën e kaluar nga Chelsea, mirëpo ende nuk ka bindur me paraqitjet e tij me ‘’Los Blancos’’. /Lajmi.net/