Gruaja britanike i ka thënë me shaka vajzës së saj: “Eja të blejmë një biletë, pasi ia hodha vdekjes”. Por 53-vjeçarja nuk e mendonte kurrë se ajo biletë lotarie do t’i ndryshonte jetën.

“Para një jave u operova. Të premten ishte dita kur unë u zgjova. Jam e shëruar. Ndihem mirë dhe nuk më dhemb shumë. Kur u zgjova, u ndjeva sikur ia hodha vdekjes. Thashë ndihem me fat dhe do të provoj lotarinë”, tha ajo.

Sona i tha vajzës së saj 23-vjeçare Stephanie të merrte një biletë lotarie, e cila i dhuroi britanikes plot 61 milionë paund. Familja nga Monmouth ishin ftuar në një televizion britanik ku rrëfyen historinë e tyre.