Një goditje spektakolare e Adama Traore i ka dhënë sot një fitore të madhe Wolvesit në sfidën përballë Totenhamit në Premierligë.

Skuadra e drejtuar nga Lopetegui po vuan në zonën e poshtme të klasifikimit, por për ta larguar nga rreziku u përkujdes futbollisti Traore në fundin e ndeshjes.

Traore me një gjuajtje të fortë në minutën e 82-të ia doli që të çonte topin në rrjetë në mënyrë spektakolare.

Goli solli fitoren 1:0 të Wolves, teksa ai ktheu pak qetësinë edhe te Traore, të kritikuar vazhdimisht se nuk po arrin më të bëjë diferencën në klubin anglez, pasi duhet theksuar se ky ishte vetëm goli i tij i dytë në këtë edicion./Lajmi.net/