Goleadë në PreZero Arena: Dortmund merr tri pikë ndaj Hoffenheim

Borussia Dortmund ka marrë një tjetër fitore në Bundesliga.

Sport

22/01/2022 17:26

Në një udhëtim mjaft të vështirë në PreZero Arena, ndaj Hoffenheim, Dortmund ka shënuar fitore me rezultatin 2:3, shkruan lajmi.net.

Skuadra mysafire kaloi në epërsi qysh në minutën e 6’ të takimit, me golin e shënuar nga Erling Haaland.

Kroati Andrej Kramaric u përkujdes të barazonte shifrat para pushimit, në minutën e 45+1’.

Dortmund e nisi më mirë pjesën e dytë, dhe në minutën e 66’ ishte me dy gola epërsi, me Reus që shënoi në minutën e 58’ dhe një autogol i Raum në 66’ për 1:3.

Rutter ngushtoi epërsinë në 2:3, por vetëm kaq mund të bënte skuadra e Hoffenheim, duke i lënë tri pikë të shkojnë me Dortmundin.

Dortmund shkon tashmë në 43 pikë për pozitën e dytë, me tri pikë më pak sesa Bayern që kanë një ndeshje për të luajtur. Hoffenheim mbeten me 31 pikë në pozitën e gjashtë. /Lajmi.net/