Clement Turpin do të jetë gjyqtari kryesor në ndeshjen e parë gjysmëfinale të Ligës së Kampionëve ndërmjet Barcelonës dhe Interit, e cila do të zhvillohet të mërkurën në mbrëmje. Më poshtë gjeni gjithçka që duhet të dini për gjyqtarin francez, ekipin e tij ndihmës dhe historikun e tij me skuadrat përkatëse.

Turpin do të asistohet nga Nicolas Danos dhe Benjamin Pages si gjyqtarë anësorë, ndërsa Francois Letexier do të jetë gjyqtari i katërt. Për teknologjinë VAR do të kujdesen Jerome Brisard dhe Willy Delajod. Ndeshja do të luhet në Estadi Olímpic Lluís Companys në Barcelonë.

Gjatë këtij sezoni, gjyqtari francez ka drejtuar 16 ndeshje në Ligue 1, 1 në Ligue 2, 6 në Ligën e Kampionëve (plus një ndeshje kualifikuese), 3 në Ligën e Evropës, 2 në Ligën e Konferencës, 2 në Kupën e Francës dhe 3 ndeshje ndërkombëtare.

Sa i përket përballjeve të këtij sezoni në Ligën e Kampionëve, Turpin ka gjykuar dy ndeshje me skuadra italiane (Atalanta 0-0 Arsenal dhe Juventus 2-0 Manchester City) dhe dy me skuadra spanjolle (Manchester City 2-3 Real Madrid dhe Real Madrid 2-1 Atletico Madrid).

Gjatë karrierës së tij, Turpin ka gjykuar në pesë ndeshje të Interit:

Gjysmëfinalja e kthimit ndaj Milanit në sezonin 2022-23 (fitore e Interit),

Humbja 2-0 ndaj Bayern Munich në fazën e grupeve të po atij sezoni,

Humbja 3-2 ndaj Real Madridit në 2020-21,

Fitorja 2-1 ndaj Tottenhamit në 2018-19,

Humbja 2-0 ndaj Hajduk Split në Ligën e Evropës në sezonin 2012-13.

Ndërkohë, ka gjykuar katër ndeshje të Barcelonës:

Humbjen 2-1 ndaj Manchester United në Ligën e Evropës në sezonin 2022-23,

Fitoren 1-0 ndaj Dynamo Kyiv në Ligën e Kampionëve në 2021-22,

Fitoren 3-1 ndaj Borussia Dortmund në 2019-20,

Dhe humbjen e famshme 3-0 ndaj Romës në sezonin 2017-18, që solli eliminimin dramatik të Barcelonës nga çerekfinalja.