Gjuriq: Gjykatës serbë do të ketë edhe në Prishtinë, Ranillug, Shtërpc e Novobërdë

Drejtori i Zyrës për Kosovën në Qeverinë e Serbisë, Marko Gjuriq, ka thënë se të punësuarit në drejtësinë kosovare nuk do të mbesin pa punë pas 25 marsit.

Lajme

14/03/2015 13:00

Sipas tij, gjykatës serbë do të ketë edhe në Prishtinë sepse Gjykata Themelore e këtushme është përgjegjëse për kontestet tregtare, raporton tanjug.

Ai shtoi se shumë serbë janë të gatshëm të punojnë në këtë sektor, teksa ka marrë shembull rastin e Oliver Ivanoviqit i cili, sipas tij, do të kishte gjykim më të drejtë po te gjykohej nga serbët.

Gjykatës serbë do të ketë edhe në Ranillug, Shtërpc dhe Novobërdë, transmeton koha.net.

Lidhur me Asociacionin e Komunave Serbe, Gjuriq tha se statusi duhet të formohet dhe sipas Marrëveshjes së Brukselit ekipi negociator i Asociacionit do ta udhëheqë zbatimin.