Në qendër të kryeqytetit, në sheshin “Zahir Pajaziti” janë mbledhur një numër i madh i protestuesve.

Kjo protestë është thirrur pas vrasjes së Arlinda Zekaj në Vitomiricë nga kunati i saj, Albert Sylaj derisa e njëjta kishte raportuar në vazhdimësi në thuajse të gjitha institucionet përgjegjëse të sigurisë dhe hetuesisë në lidhje me kërcënimet dhe presionin e vazhdueshëm që po i bëhej nga ish-bashkëshorti, Jeton Sylaj dhe familjarët e tij.

Arlinda Zekaj është varrosur dje, derisa në vend po kërkohet dhënia e përgjegjësisë për neglizhencën institucionale nga ky rast.

Thirrjes për drejtësi ndaj viktimave të dhunës në familje dhe vrasjes së grave tani i janë bashkuar një numër i madh i qytetarëve.

Po ashtu u bë bë thirrje që të ketë drejtësi dhe se “gratë duhet revoltuar e të armatosen”.

“Nuk  ka paqe pa drejtësi” “Për gratë çdo ditë është luftë”, brohoritej në shesh./Lajmi.net/

Fotografi të LAJMI.NET