Ndër vite në Kosovë raste të shumta janë raportuar të të shtënave me armë në ahengje familjare.

E siç duket kjo “traditë” po vazhdon ende.

Një rast i ngjashëm u raportua mbrëmë në rajonin e Kamenicës.

Policia ka arrestuar një person të dyshimtë, pasi që i njëjti në një aheng familjar ka shtënë me armë zjarri. Si pasojë e të shtënave, viktima mashkull kosovar ka pësuar lëndime trupore në këmbë dhe i njëjti është dërguar për tretman mjekësor.

Në vendin e ngjarjes janë gjetur dhe konfiskuar disa gëzhoja, ndërsa nga i dyshuari janë konfiskuar dy armë zjarri.

Me vendim të prokurorit, pas intervistimit i dyshuari është dërguar në mbajtje./Lajmi.net/