Një 65-vjeçar është gjetur pa shenja jete sot në fshatin Marinë të Skenderajt.

Rastin e ka konfirmuar për lajmi.net zëdhënësi i Policisë së Kosovës për rajonin e Mitrovicës, Avni Zahiti.

“Sot, rreth orës 16:25 është raportuar se në fshatin Marinë të Skenderajt është gjetur pa shenja jete një mashkull, rreth 65 vjeç”, ka deklaruar Zahiti.

Ai ka bërë të ditur se në vendin e ngjarjes kanë dalë njësitë përkatëse policore dhe ekipi mjekësor, i cili ka konstatuar vdekjen.

“Me vendim të prokurorit, trupi i pajetë është dërguar për obduksion. Rasti është duke u hetuar”, ka thënë Zahiti. /Lajmi.net/