Përzgjedhësi i Kombëtares së Kosovës, Alain Giresse ka folur pas disfatës ndaj Irlandës.

Kosova u mposht 2:1 nga Irlanda e Veriut, në një ndeshje ku dominuan ‘Dardanët’.

Djelmoshat e Kosovës kaluan në epërsi, por që nuk arritën ta mbajnë atë.

Pas ndeshjes ka folur edhe vetë trajneri Alain Giresse, duke thënë se nuk e merituan humbjen.

“Duke parë ndeshjen ne nuk e merituam humbjen.

Pjesën e parë e kemi menaxhuar shumë mirë, në të dytin ishte një ekip tjetër ai i Irlandës.

Krijuam shumë raste, por mos konkretizimi i tyre na solli te humbja”, u shpreh ai, përcjell lajmi.net.

Trajneri u pyet edhe për Bersant Celinën, i cili sipas francezit ka bërë paraqitje të mirë.

“Roli i tij ishte mesfushor ndërtues, ai duhet t`i jepte ritëm lojës dhe ia arriti të realizojë rolin e tij”.

Për zëvendësime Giresse tha se ishin në kohën e duhur.

“Zëvendësimet ishin në kohë, pasi lojtarët zhvilluan ndeshje të mirë”, përfundoi ai.

Kosova pas asaj humbje qëndron në vendin e dytë, në Ligën C – grupi 2, me gjashtë pikë./Lajmi.net/