Pamje nga Pyongyang treguan radhët e mijëra zyrtarëve në një ceremoni për të përkujtuar liderin e vdekur dy vjet më parë, Kim Jong.

Djali i tij, Kim Jong-un, ka trashëguar udhëheqjen pas vdekjes së tij në vitin 2011.

Javën e kaluar ai urdhëroi ekzekutimin e Chang Song Thaek,që ishte burri i hallë e tij dhe që shihej si një figurë e fuqishme  nga vëzhguesit.

Chang u akuzua për krime të shumta, thotë media shtetërore, duke përfshirë përpjekjet për të përmbysur shtetin.

Të hënën, sekretari i përgjithshëm i OKB’së, Ban Kim-Moon e përshkroi ekzekutimin e tij si “shumë dramatik dhe të habitshëm”.

Ai kërkoi nga vendet rajonale “të jenë më shumë vigjilentë dhe të kujdesshëm në shikimin e situatës se si po zhvillohet, për të mos marrë masa të parakohshme”.

Banorët vunë lule në monumentet e të dyve, Kim Jong-il, dhe babait të tij Kim ll-Sung, liderit të parë të Koresë Veriore.

Kim Jong-il, i cili sundoi Korenë Veriore për gati dy dekada, vdiq më 17 dhjetor 2011.

Të martën, djali i tij i tretë dhe pasardhësi i tretë, Kim Jong’un, mori pjesë në një ceremoni për të kujtuar të atin.

Udhëheqësi i ri kishte veshur rroba që shprehnin zymtësi, njofton reportere e BBC’së nga Seul, Luci Williamson.

Ajo thotë se ceremonia e mbajtur në një sallë të madhe për udhëheqësin aktual ishte po aq e mbushur sikur në të vjetrin.

Kim Jong-un u ul në podium, i rrethuar nga krerët e Koresë Veriore, Kim Yong-nam, dhe kreu i ushtrisë.

“Të gjithë njerëzit tanë dhe ushtarët kanë luftuar dhe arritur fitore për dy vitet e fundit duke mbajtur udhëheqësin tonë të madh (Kim Jong-il) në nderim të lartë”, tha Kim Yong-nam në fjalën e tij.

Të hënën mijëra ushtarë të Koresë së Veriut u rreshtuan përpara mauzoleut të shtetit për t’u betuar për besnikërinë e tyre për Kim Jong-un.

Presidenti i Koresë së Jugut, ndërkohë, zhvilloi një takim me zyrtarë të lartë të sigurisë duke paralajmëruar “provokime” të mundshme nga Korea e Veriut në prag të spastrimit të z.Chang dhe ndihmësve të tij.

Rënia e papritur e tij nga hiri dhe ekzekutimi i shpejtë kanë ndezur frikë dhe paqëndrueshmëri brenda Koresë së Veriut.

Z.Chang, i cili ishte i martuar me motrën e madhe të Kim Jong, kishte lehtësuar transferimin e pushtetit nga i ati tek i biri dy vjet më parë.

Ai gjithashtu besohej gjerësisht se ishte njeri me shumë ndikim në prapaskenë.

Po Halla ku është?

Ajo është bija e diktatorit të parë të Koresë së Veriut, motra e pushtetarit të dytë, halla e sundimtarit të tretë: Bëhet fjalë për Kim Kyong- hui, 67 vjeç.

Por pas ekzekutimit të bashkëshortit të saj, nuk është dëgjuar më për gjeneralen.

Ka shumë spekulime për të. A mos është ekzekutuar? Apo nuk shkon diktatori i ri kaq larg?

Por ka edhe të dhëna të tjera se pavarësisht ekzekutimit të të shoqit, ajo vazhdon të jetë e fuqishme politikisht, pasi është vendosur si përfaqësuese e regjimit në komunitetin organizator për varrimin e një funksionari të lartë të partisë.

Një revistë e përshkruan atë njësoj si vëllai i saj, e pakompromis dhe hakmarrëse e tmerrshme.

Thuhet se ajo jetonte ndaras me të shoqin prej kohësh, pasi ai e tradhtonte vazhdimisht.

Çifti u njoh në vitin 1972 dhe pavarësisht kundërshtimeve të babait, ajo u martua me të.

Ka po ashtu spekulime se 67- vjeçarja është sëmurë dhe po kurohet në Singapor.

Të tjerë thonë se ajo ka probleme me alkoolin.

Historia e jetës së saj është e mbushur me lajme të rënda.

Ajo del rrallë në publik.

Thuhet se njëherë pati pësuar një aksident gjatë një tërmeti.

Vajza e saj e vetme, që gjendej në Paris, kaloi një krizë nervore, pasi prindërit nuk ia pranonin të dashurin.

Në vitin 2010, ajo u shpall gjenerale me katër yje.

Një detaj pikant: Ajo është pronarja e të vetmit restorant të ushqimit të shpejtë në kryeqytet. Por termi ‘hamburger” nuk përdoret, sepse quhet i huaj.