Francë: Prokuroria financiare heton skandalin e kandidatit Fillon
Prokuroria financiare e Francës do të ndërrmarrë hapa të mëtejshëm ligjor këtë javë, në lidhje me pretendimet për punën e rreme të gruas së kandidatit për president të Francës, Francois Fillon.
Bota
Journal de Dimance citon burime të saja duke thënë se procedura do të përfshijë edhe Fillonin por edhe gruan e tij britanike, Penelope transmeton lajmi.net
Vetë kandidati për president kohë më parë kishte konfirmuar se gruaja e tij ishte paguar, por duke shtuar se ajo ka kryer një punë të vërtetë.
Sipas gazetës ky rast do të mund të trajtohej në dy rrugë: e para për t’ia dërguar rastin një gjyqtari hetues i cili do të vazhdonte për gjetjen e provave dhe e dyta për ta dërguar çështjen para një gjykate penale.
Ky skandal i ka kushtuar mjaft shumë Fillonit, i cili në sondazhet e fundit po del i treti në garë, kurse para publikimit të këtij skandali ai kryesonte listën. /Lajmi.net/