Janë publikuar formacionet zyrtare për derbin e Italisë.

Sonte me fillim nga ora 20:45 stadiumi “Diego Armando Maradona” do të jetë nikoqir i super derbit italian mes Napolit dhe Juventusit, ndeshje kjo e vlefshme për xhiron e 18 të Serie A.

Të dy skuadrat gjenden në krye të tabelës, ku në xhiron e fundit të zhvilluar, Napoli e mposhti Sampdorian me rezultat 2:0, kurse Juventusi shënoi fitore minimale 1:0 kundër Udineses, transmeton lajmi.net.

Napoli e vazhdon ëndrrën për Scudetton e parë që prej vitit 1990, ku momentalisht zë vendin e parë me 44 pikë, shtatë sosh më shumë se Juventusi që renditet në pozitën e dytë.

Takimi i fundit mes Napolit dhe Juventusit në “Diego Armando Maradona” daton në muajin shtator të vitit 2021, ku asokohe skuadra e Luciano Spallettitshënoi fitore me rezultat të ngushtë 2:1 kundër “Zonjës së Vjetër”.

Sa i përket ndeshjes së sotme, Spalletti i ka të gatshëm të gjithë lojtarët, ndërsa Massimiliano Allegri nuk do të mund të llogarisë në shërbimet e Bonuccit, Cuadrados, De Sciglios, Ihattaren, Kaio Jorges, Peeters, Pogbas dhe Vlahovic, të cilët nuk paraqiten sot për shkak të lëndimeve.

Më poshtë lajmi.net jua përcjell formacionet zyrtare:

Napoli: Meret; Di Lorenzo, Kim, Rrahmani, Mario Rui; Anguissa, Lobotka, Zielinski; Politano, Osimhen, Kvaratskhelia.

Juventus: Szczesny; Danilo, Bremer, Alex Sandro; Chiesa, McKennie, Locatelli, Rabiot, Kostic; Di Maria, Milik

⚪⚫ Your #NapoliJuve XI 📜😍 pic.twitter.com/9suYvSFIMA

— JuventusFC (@juventusfcen) January 13, 2023