Zvicra është para momentit të së vërtetës.

Skuadra e selektorit Ottmar Hitzfeld duhet të fitojë kundër Hondurasit sonte dhe të shpresojë që Ekuadori nuk do ta bëjë një gjë të tillë në ballafaqimin tjetër të Grupit E të Kampionatit botëror kundër Francës.

Zvicra ka tri pikë dhe do të kualifikohet tutje me fitore në rast se Ekuadori nuk merr pikë të plota në ballafaqim me Trekolorët. Ose, ekipi helvetik mund të avancojë edhe me barazim, nëse Franca mposht Ekuadorin.

Dueli ka rëndësi të madhe andaj Hitzfeld do të mundohet të përzgjedh formacionin më të mirë që ka në dispozicion.

Sipas njoftimeve të fundit, Valon Behrami do t’ia lirojë vendim Blerim Xhemajlit ndërsa në formacionin bazë nuk do të jetë as Admir Mehmedi.

Honduras (4-4-2): Valladares; Beckeles, Bernardez, Figueroa, Izaguirre; W.Palacios, Garcia, Garrido, Espinoza; Bengtson, Costly.

Zvicra (4-2-3-1): Benaglio; Lichtsteiner, Djourou, Schar, Rodriguez; Xhemajli, Inler; Shaqiri, Xhaka, Stocker; Drmic.