Figo, një nga lojtarët më të mirë që ka prodhuar Portugalia, është një nga lojtarët që u transferua nga Barcelona te Real Madrid.

Portugezi së fundmi ka dhënë disa komente lidhur me të kaluarën e tij, ku ka folur edhe për këtë transferim, duke zbuluar çfarë e shtyu atë për vendimin.

“Ishte një vendim i rëndësishëm, por i vështirë. Unë lash një qytet që më dha shumë dhe ku ndihesha mirë”, ka thënë Figo, transmeton lajmi.net.

“Por, kur ndihesh se nuk merr meritat e duhura për atë që po bën dhe ke oferta nga një klub, atëherë ti mendon për atë ofertë”, ka shtuar portguezi.

Fjalët e portugezit lënë të kuptohet se te Barcelona nuk e kishin vlerësuar sa duhet, edhe pse në fillim shprehet se ai qytet i dha gjithçka.

Përkundër të gjithave, vendimi për të kaluar nga ‘Camp Nou’ në ‘Santiago Bernabeu’ duket të mos ketë qenë i lehtë për Luis Figo. /Lajmi.net/