Pasi e zyrtarizoi Nemanja Vidicin, Interi ëndërrnte ta bënte edhe një goditje ‘pa para’ nga Manchester United.

Patrice Evra ishte objektiv i Nerazzurri, por mbrojtësi i majtë francez, të cilit i skadon kontrata në qershor, nuk e ka ndërmend t’i lë ‘Djajtë e Kuq’.

“Në Ligën e Kampionëve kemi luajtur mirë, atje e kemi parë shpirtin e vërtetë të Unitedit. Nuk e di përse, ndonjëherë duhet t’i lëshë prapa krahëve dështimet dhe të bëhemi gati, si për Bayernin, ashtu edhe për sezonin tjetër”, ka thënë përfaqësuesi francez pas fitores 4:0 ndaj Newcastle.

Ai ndër të tjera thotë se Unitedi duhet ta mposht dhe ta eliminojë Bayern Munichun, pas barazimit 1:1 në Old Trafford.

Ai kërkon që futbollistët t’i bëjnë krenarë tifozët e tyre me ndeshjen e dytë që do ta zhvillojnë në Allianz Arena me gjigantin bavarez.