Ekzekutohet me armë shqiptari në Francë
Një 30-vjeçar shqiptar është vrarë me armë zjarri në Mulhouse të Francës. Ngjarja ka ndodhur të mërkurën rreth orës 17.45, por është raportuar tani nga mediat franceze.
![](https://lajmi.net/wp-content/uploads/2018/04/auto_france-policia1525022802.jpg)
Bota
Janë fqinjët ata të cilët e kanë dhënë alarmin ku denoncuan se në një ndërtesë të vogël banimi në rrugën “Rue des Juifs”, në lagjen Dornach në Mulhouse, janë dëgjuar të shtëna armësh, shkruan “France Bleu”.
Bëhet e ditur se është vrarë një person rreth të tridhjetave me origjinë kosovare. Hetimet policore kanë filluar menjëherë. Autori i krimit, një person 35-vjeçar është ende në arrati dhe i kërkuar nga policia.
Kufoma e shqiptarit është gjetur në oborr nga fqinjët. Dyshohet se ai është vrarë nga fqinji i tij nga kati i tretë, për shkak të zhurmës së madhe që po bënte.