Paulo Dybala lë të kuptohet se dëshiron të vazhdojë karrierën e tij te Roma pas humbjes në Evropa Ligë ndaj Sevillas. “Të luash për këtë ekip nuk është thjesht sport apo punë, por një NDER.”

Reprezentuesi argjentinas u bashkua si lojtar i lirë verën e kaluar dhe i ndihmoi ata të arrinin në finalen e Evropa Ligës në Budapest, ku shënoi golin e hapjes.

Autogoli i Gianluca Mancini lejoi që Sevilla të barazonte dhe më pas spanjollët dolën fitues në gjuajtjet e penalltive.

Dybala ishte dukshëm i shqetësuar pas lojës, pasi ishte i aftë për të luajtur vetëm për 67 minuta për shkak të një ndrydhjeje të kyçit të këmbës.

“Krenar për ne dhe krenarë për JU, të gjithë tifozët që na ndoqën në Budapest dhe ata që mbështetën nga shtëpia apo në Olimpico, pavarësisht rezultatit, ne dhamë gjithçka!” ka shkruar Dybala në faqen e tij në ‘Instagram’.

“Të luash për këtë ekip nuk është thjesht sport apo punë, por NDER. Ne festuam së bashku gjatë këtij udhëtimi dhe qamë gjithashtu, lotë vuajtjeje që vërtetojnë se sa shumë kemi dhënë për këta njerëz. Forza Roma gjithmonë.”

Fitimi i Evropa Ligës ishte opsioni i tyre i vetëm i mbetur për t’u kualifikuar në Ligën e Kampionëve sezonin e ardhshëm, kështu që tani ata duhet të luftojnë për të mbyllur vendin e Evropa Ligës në Serie A ose të rrëshqasin përsëri në Ligën e Konferencave.

Dybala nënshkroi kontratën me Romën deri në qershor 2025, por ekziston një klauzolë lirimi që mund ta lejojë atë të largohet për një tarifë relativisht të vogël.

Argjentinasi kontribuoi me 17 gola dhe tetë asistime në 37 ndeshje konkurruese këtë sezon./Lajmi.net/