Borussia Dortmund ka fituar ndeshjen ndaj Stuttgartit.

BVB ‘shkatërroi’ në shtëpi skuadrën e Stuttgart, pasi e mposhti 5:0.

Vendasit e nisën furishëm qysh në start, kur me anë të Jude Bellingham kaluan në epërsi në minutën e 2` të ndeshjes.

Por, Dortmundi nuk po ndalje, vazhdonin aksionet drejt sulmit, transmeton lajmi.net.

Në minutën e 13` ishte Niklas Sule, që dyfishoi epërsinë për gjigantin gjerman.

Për rezultatin e pjesës së parë 3:0 u përkujdes Giovanni Reyna, pasi realizoi në minutën e 44`.

Kështu Dortmundi shkoi në pushim me epërsi të lartë.

Edhe pjesa e dytë u konkretizua me raste te shumta nga vendasit.

Ata arritën të tundin rrjetën sërish me Bellingham, në minutën e 53` të takimit.

Për 5:0 realizoi Youssouf Moukoko, në minutën e 72`.

Golin e nderit mysafirët e shënuan në minutat shtesë, me anë të Pereas, por u anulua për pozicion jashtë loje.

Me këtë fitore të thellë, Dortmundi ka 19 pikë në vendin e katërt, kurse Stuttgart ka tetë në pozitën e 15./Lajmi.net/