Në njërën nga lagjet në veri të Mitrovicës, e njohur si Lagjja e Boshnjakëve para pak minutash u nevojit një ndërhyrje e Policisë për shpërndarjen e disa personave.

Sipas asaj që raportohet, bëhet e ditur se persona të panjohur kanë shpuar gomat e disa veturave, në mesin e tyre edhe ato me tabela të Serbisë, e po ashtu edhe kanë vendosur ‘stikera’ në një përmendore të UÇK-së.

Lajmin e ka konfirmuar zëdhënësi i Policisë së Kosovës për veriun, Veton Elshani.

“Disa goma janë shpërthyer, e po ashtu edhe stikersa prej letre janë vendosur në një shtatore të UÇK-së. Janë mbledhur diku 10 persona pastaj kemi ndërhy dhe janë shpërndarë“, është shprehur ai.

E ndërkohë ka shtuar se gjendja vazhdon të mbetet e qetë dhe se Policia po merret me rastin.