Dimarco paralajmëron skuadrën para sfidës ndaj Shakhtarit: E dimë se çfarë ndodhi vitin e kaluar

14:42 | 22 Nentor 2021

Federico Dimarco paralajmëron Interin përpara ndeshjes së nesërme në Ligën e Kampionëve me Shakhtar Donetsk: “Ne e dimë se çfarë ndodhi vitin e kaluar, gjithçka është në duart tona”.

“Nerazzurrët” presin skuadrën e Roberto De Zerbit në ‘Stadio Meazza’ të mërkurën.

Një fitore do t’i lejonte kampionët e Serisë A të kualifikoheshin në raundin e 16-të të Ligës së Kampionëve me një lojë të mbetur, me kusht që Sherifi të mos fitojë kundër Real Madridit.

Kampionët e Serisë A nuk arritën të mposhtin Shakhtarin në ndeshjen e fundit të fazës së grupeve 2020-21, kur u duhej një fitore për t’u kualifikuar në 16-shen e fundit.

Ata morën barazime 0-0 vitin e kaluar dhe përsëri në shtator, në ndeshjen e kundërt të luajtur në Ukrainë.

“Ndeshja kundër Shakhtarit ishte një ndeshje e vështirë dhe ne e dimë se çfarë ndodhi vitin e kaluar”, tha Dimarco për ‘UEFA.com’.

“Tani është e gjitha në duart tona; ne vetëm duhet të luajmë siç dimë. Do të ishte e rëndësishme të shkojmë përtej fazës së grupeve, sepse nuk kemi qenë në gjendje ta bëjmë atë për disa vite.”

Dimarco është një produkt i akademisë së Interit dhe u rikthye në klub pas huazimeve në Ascoli, Empoli, Sion, Parma dhe Hellas Verona.

“Kam lindur një tifoz i Interit, e ndjej këtë dashuri brenda meje”, tha mbrojtësi.

“E njëjta gjë ndihesha edhe para se të luaja për Interin, që kur isha fëmijë. Kur humbet Inter ndihem keq.

24-vjeçari bëri debutimin e tij për Interin në një ndeshje të UEFA Europa League kundër Qarabag në dhjetor 2014, në moshën 17-vjeçare.

“Më kujtohet se ishte para Krishtlindjeve,” kujtoi ai.

“Për mua ishte një ëndërr e realizuar, diçka që e ëndërroja si fëmijë. Veshja e fanellës së skuadrës që unë mbështes ishte e pabesueshme.

“Ka pasur kohë të vështira, veçanërisht kur isha i lënduar ose nuk po luaja”, pranoi 24-vjeçari.

“Por mendoj se këto eksperienca më kanë ndihmuar të rritem dhe të piqem, të bëhem burrë. Tani e njoh më shumë veten dhe aftësitë e mia”, ka përfunduar italiani. /Lajmi.net/