Gara për Çmimin e Madh të Singaporit është mbyllur me shumë aksidente të regjistruara dhe me shumë gjashtë pilotë që e mbyllën garën para kohe. Red Bull merr fitoren përsëri, ndonëse Verstappen dështoi.

Skuadra e Red Bull ka regjistruar një fitore tjetër, duke marrë pozitën e parë me Sergio Perez, shkruan lajmi.net.

Piloti meksikan përfundoi në pozitën e parë, duke lënë prapa vetes pilotët e Ferrari, Charles Leclerc dhe Carlos Sainz, të cilët kompletuan podiumin.

Max Verstappen dhe Lewis Hamilton përfunduan në pozitat tetë dhe nëntë, kurse George Russell ishte i fundit nga pilotët që mbeten në pistë deri në fund.

Të tre Hamilton, Verstappen e Russell patën nga një përplasje me anësoret gjatë garës dhe humbën sekonda të vlefshme.

Lideri i garës, Perez do të hetohet pas garës për shkelje të rregullores gjatë kohës kur makina virtuale e sigurisë ishte aktive, por me 7+ sekonda epërsi, fitoren e ka të sigurt edhe nëse aplikohet ndonjë ndëshkim për të. /Lajmi.net/