Derbi anglez, Man City – Chelsea: Formacionet e mundshme – statistika – parashikim

8:54 | 15 Janar 2022

Man City dhe Chelsea do të zhvillojnë derbin e xhiros së 22-të në Premierligë, transmeton lajmi.net.

Man City janë në një formë superiore duke fituar secilën nga 11 ndeshjet e fundit në ligë, duke i prirë bindshëm tabelës me 53 pikë të mbledhura, ndërkohë Chelsea vijnë pas dy barazimeve radhazi dhe pozicionohen në vendin e dytë në tabelë me 43 pikë të mbledhura.

Të rejat e skuadrave nga lëndimet: 

Trajneri i Manchester Cityt, Pep Guardiola, ka thënë se ka raste të reja me Covid-19 brenda skuadrës.

John Stones është afër rikthimit nga lëndimi, por Riyad Mahrez është në Kupën e Kombeve të Afrikës.

Andreas Christensen i Chelseat mungon për shkak të Covid-19 dhe bashkohet me mbrojtësit e tjerë Trevoh Chalobah, Ben Chilwell dhe Reece James që do të mungojnë.

Kepa Arrizabalaga do të vazhdojë në portë në mungesë të Edouard Mendy, i cili është në Kupën e Kombeve të Afrikës.

Statistika kokë-më-kokë: 

  • Ky është takimi i 50-të i skuadrave në Premier League. Manchester City arriti vetëm tre fitore në 25 përballjet e para, por që atëherë ka fituar 12 nga 24.
  • Kjo është hera e dytë që ato takohen si dy skuadrat më të mira në Premier League. Tjetra erdhi në janar 2015, me Cityn e vendit të dytë që fitoi një barazim 1-1 ndaj liderëve të ligës, Chelsea.
  • Blutë janë mposhtur në tetë nga 12 ndeshjet e fundit në Etihad Stadium.

Man City: 

  • Manchester City ka fituar 11 ndeshje radhazi në Premier League.
  • Vetëm Preston në 1891-92 dhe Liverpool në 2013-14 kanë fituar 11 ose më shumë ndeshje radhazi dhe nuk kanë arritur të fitojnë titullin e ligës.
  • Skuadra e Pep Guardiolës filloi vitin e kaluar me një seri prej 18 fitoresh radhazi në të gjitha garat, duke mos humbur deri më 7 mars.
  • City është një humbje larg për të regjistruar 500 humbje në ligë në shtëpi.
  • Guardiola ka humbur tetë ndeshje si trajner kundër Chelseat, më shumë se ndaj çdo klubi tjetër.

Chelsea: 

  • Chelsea ka humbur pikë në shtatë nga 11 ndeshjet e fundit të ligës, duke e kthyer epërsinë prej pesë pikësh ndaj Manchester Cityt në një deficit prej 10 pikësh.
  • Ata kanë mbajtur vetëm dy porta të paprekura në 11 ndeshje të Premier League pas një serie prej shtatë në 10 ndeshjet e tyre të para.
  • Jorginho ka shënuar 13 gola në Premier League që nga fillimi i sezonit të kaluar, më shumë se çdo lojtar tjetër i Chelseat. Të gjitha kanë qenë penallti.
  • Romelu Lukaku është dy gola larg për të arritur 200 gola në ligë në karrierë. Megjithatë, ai ka shënuar vetëm katër herë në 15 paraqitje në Premier League kundër Manchester Cityt.
  • Fitorja e Chelseat në Etihad sezonin e kaluar është fitorja e vetme e Thomas Tuchel në gjashtë ndeshjet e ligës së karrierës kundër Pep Guardiolës.

Formacionet e mundshme (foto): 

Parashikim: 2-1

/Lajmi.net/