Qeveria e Serbisë gjatë mbledhjes së sotme, u ka bërë thirrje serbëve të Kosovës që të dalin në zgjedhjet parlamentare të Kosovës më 8 qershor.

Përmes një komunikate, qeveria serbe ka bërë të ditur se vlerëson që është e domosdoshme që të fitohen sa më shumë mandate në Kuvendin e Kosovës.

“Është e domosdoshme që të ketë sa më shumë vende të deputetëve dhe të formojnë Asociacionin e Komunave Serbe, si dhe në funksion të ndërmarrjes së masave të caktuara të politikës shtetërore, me qëllim të vështirësimit të promovimit dhe zbatimit të politikës për shpalljen e njëanshme të pavarësisë së Kosovës”.