Takimet e kryeministrit me amerikanët janë shpeshtuar kohëve të fundit, pas presionit të SHBA-ve për pezullimin e taksës ndaj Serbisë, raporton lajmi.net.

Madje, Haradinaj nga shumëkush po konsiderohet se me insistimin për mbajtjen e taksës po i prish raportet me amerikanët.

Por siç duket Haradinaj megjithë vërejtjet dhe ultimatumet e SHBA-ve, i ka shumë përzemër amerikanët.

Në fotografitë e postuara në Facebook nga ngjitja e Haradinajt në bjeshkët e Belegut, shihet bluza e kryeministrit e cila ka të stampuara dy flamuj, atë të SHBA-ve dhe të Kosovës.

Në sfondin kryesor të asaj se çka Haradinaj kishte veshur sot në bjeshkë është edhe harta e Kosovës, në të cilën është i shkruar një mesazh.

“In this family no one fight alone”, shkruan në bluzën e Haradinajt, e që në shqip do të thotë “në këtë familje askush nuk lufton vetëm”.

Nuk dihet nëse Haradinaj përmes këtij mesazhi u ka dërguar porosi liderëve kosovarë, kryetarit të Kuvendit, Kadri Veseli e presidentit Hashim Thaçi, për të cilët Haradinaj kishte thënë se i kanë pranuar shumë lehtë kushtet e Serbisë për heqjen e taksës. /Lajmi.net/